Kapija želja u Kanjonu Mrtvice

Foto: Šaćir Suruliz

Kapija želja, nalazi se duboko u kanjonu rijeke Mrtvice. Prema legendi, na ovom mjestu vila sa Maganika ispunjava želje putnika namjernika. Da bi želja bila ispunjena, potrebno je na ovom mjestu, u punoj tišini i uz snažnu želju, baciti kamen u rijeku. Želje ne smije biti na štetu nekog drugog, jer bi se u suprotnom vratila nesrećom.

Do kapije želja moguće je doći markiranom planinskom stazom, koja vodi kroz kanjon Mrtvice. Ova staza počinje u mjestu Međuriječje, gdje se rijeka Mrtvica uliva u Moraču, kao njena desna pritoka. Međuriječje je nekih 5 km udaljeno od manastira Morača, prema Podgorici.

Od Međuriječja markirana planinaska staza, duga oko 12km, vodi sve do sela Velje Duboko u čijoj blizini, podno Stožca je izvorište rijeke Mrtvice.

Do Kapije želja može se iz Međuriječja stići za neki dva sata.

 

0 Comments